आयुष्यात प्रेम एकदा तरी करावं
प्रेमासाठी जगावं
प्रेमासाठी मरावं...
प्रेम आहेच इतकं अनमोल
ज्यानं प्रेम केलं त्यालाच माहीत त्याच मोल
प्रेम असतं इतकं मजबूत
माया, ममता, धाडसाने भरलेलं
आणि आपुलकीच्या भावनेनं मोहरलेलं
प्रेम एक असं नातं आहे
आपुलकीच्या धाग्याने जोडलेलं
स्वप्नांच्या ताऱ्यांनी सजलेलं
एकमेकांसाठी आसुसलेलं
प्रेमळ विचारांनी गजबजलेलं
प्रेम असतं खुप भारी
प्रेमापुढे फिकी दुनियादारी
एकमेकांना शब्द देणं
एकांतात मिठीत घेणं
प्रेमानं बोलणं
हातात हात घेऊन चालणं
प्रेम देतं आश्वासनं
मी तुझाच तू माझीच
आता फक्त एकमेकांसाठी जगणं
खरंच प्रेम प्रेम असतं
जीवाला ओढ लावतं
मनाला वेड लावतं
त्याच्या / तिच्या वाटेकडे डोळे लावून पाहायला लावतं
तो / ती नाही आली तर मनातल्या मनात रडायला लावतं
प्रेम रम्य मोहक असतं
ते नजरेनं होत असतं
रंग, रूप आणि स्वभाव यांचं मिलन असतं
प्रेम खरंच आंधळं असतं
प्रेम ठरवून होत नसतं
प्रेम हृदयातून होत असतं
प्रेम एक वेगळंच विश्व आहे
जणु उमलणारं फुल आहे
नकळत होतं असणारी भुल आहे
प्रेम काहीही करायला लावत
एकमेकांसाठी झुरायला लावतं
वेळप्रसंगी मरायला लावतं
प्रेम जगायला शिकवत
प्रेम झुकायला शिकवतं
प्रेम शिकवतं आणखी काही
प्रेमापुढे व्यर्थ सगळं काही
प्रेमापुढे व्यर्थ सगळं काही !!!
- राहुल बिचकुले
कोणत्याही टिप्पण्या नाहीत:
टिप्पणी पोस्ट करा
धन्यवाद @ माझी लेखणी