धनगरी साज एक वेगळीच बाज
रानोवणी घुमतो मेंढ्या हाकण्याचा आवाज
भीती नाही कशाची भाळा देवाचा भंडार
असा वीर शोभतो तळपती कुऱ्हाडीची धार
अंगी साधेपणा पण वृत्ती त्याची रांगडी
शोभा देते खांद्याला लोकरीची घोंगडी
डोईवर मुंडासे पटका दिसतोय छान
हिच आहे धनगरांच्या मानाची निशाण
अंगी शोभे बाराबंदी तीन गुंड्याचीर बंडी
असा देखणा रुबाब भारदार दिसतोय गडी
हातामधी कडं पायामधी तोडा
बसायला त्याला असतो देखणा रं घोडा
पूजतो धनगर वीर दैवताला
डोंगराचे देव खंडोबा, बिरोबा, सतोषाला
पांगरायला कांबळ उबदार जान
धनगरांची लक्ष्मी मेंढरं हेच समृद्ध जीवन
असं खडतर जीवन रोजचंच ते चालणं
तुडवीत डोंगर दऱ्या काट्या कुट्यातून
कधी देत नाही कर्माला दुशान
आनंदाने जगतो वाट्याला आलेलं जीवन
आहे त्याला धनगर असल्याचा अभिमान
आहे त्याला धनगर असल्याचा अभिमान
कवी राहुल दादा बिचकूले
यवत, माणकोबा वाडा
Nice
उत्तर द्याहटवा