तुझा सण आज सर्जा राजा
आज पोळ्याला करितो पूजा
ऋण अपार तुझं र
शेत माझं पिकलं
तुझ्या सोबतीनं माझं
दिस दुःखाच सरलं
माझ्या दुःखाच्या दिसात
आसवं होतं तुझ्या डोळ्यात
नाही मिळालं पोटभर
तरी ओढला नांगर
तुझ्या कष्टानं पिकलं शिवार
माझ्या डोईवरचा तु उतरविला भार
चीज झालं तुझ्या कष्टाचं
दिस आज आलया सोन्याचं
ये सर्जा ये राजा
आज पोळ्याला करितो तुमची पूजा
नाही आता दुःख कशाचं
दिस आलया सोन्याचं
तुम्हा आता सजविल
अंगा टाकुनी झुल
शिंगे करुनी चमकदार
रंग भरील अंगावर
तुम्ही दावणीची शोभा माझ्या
माझा लाडका सर्जा राजा
गॉड घास भरवील
दृष्ट तुमची काढील
ऋण तुमचं अपार
माझ्या डोईवर भार
सेवा केली आजवर
आज तुमची सेवा मी करणार
या पोळ्याच्या सणाला
मी पूजितो रे तुम्हाला
तुमची साथ संसाराला
कमी नाही मग कशाला
कवी. राहुल दादा बिचकूले
शेतकरी मित्र
कमी नाही कशाला
शेतकर्यांची कृतज्ञता समर्पकपणे मांडली आहे....खूप छान
उत्तर द्याहटवाग्रेट Wark rahul
उत्तर द्याहटवा