मेंढराच्या खांडात एकतरी म्होरपं असतं..
म्होरपं म्हंजे म्होरक्या-पुढारी-नेता-तर सदर पुढारी नर किंवा मादीही असु शकते..
नर असेलतर त्याला आधीच खच्ची केलेला असतोय..म्हंजे नसबंदी. तर मेंढराचा मेंढका(मालक)(पालक) त्याला थोडीशी भाकर रोज चारतो..मग ते तथाकथीत म्होरपं भाकरीच्या तुकड्याच्या आशेनं मालकाच्या मागं मागं हिंडत असतय..बाकीची मेंढरं बिन भाकरीची त्या म्होरप्याच्या मागं हिंडत्यात..
मालक म्होरप्याच्या गळ्यात घुंगराचं चाळ घालतो..म्होरपं खुश व्हतय..इमानदारीत मालकामागं नेईल तिकडं चालत तर कधी पळत जातय..
म्होरपं जुनं झालं की नवं म्होरपं तयार केलं जातय..जुन्याला खाटकाच्या हवाली केल जातय…
राजकारण "समाजकारण"सगळीकडं म्होरपे असत्यात फक्त तुमच्या डोळ्याची आण मेंदुची अवस्था ठिक असावी..
म्होरपं ओळखता आलं पाहीजे..
लेखक - आनंद नामदेव कोकरे
दिवे ता.पुरंदर
कोणत्याही टिप्पण्या नाहीत:
टिप्पणी पोस्ट करा
धन्यवाद @ माझी लेखणी