आज ते रेडीओ दिवस का काय हाये..
रेडीव" तसा आमच्याकडं आंम्ही साळत होतो तवापस्नं होता,टेप" आण रेडीव" एकाच खोक्यात होता क्याशीटं आयकायचा कटाळा यायचा,आण सारखी सारखी नवी क्याशीटं आणाय पैसं नसायचं मग निळ्या शिलांवर आमचा रेडीव चालु रहायचा,माझ घर माझ शेत सुरवातीच्या म्युझीकसहं आठवतय..दिवस मावळता गाणी लागायची ..चालु जमाना ही कौटुंबीक श्रोतीकाबी लागायची…एम आकाशवाणी प्रवाचकाह बलदेवानंद सागराह, हे येवढच संस्क्रुत आंम्हाला पाठ झालं,आता ह्या बलदेवानंदांना भेटायची आजही ईच्छा आहे,सकाळी पहाटच रेडीव लावला की आधी चि …ईईईई असा आवाज यायचा आण मंग टुळुळू टुळूळूळू अस संगीत चालु व्हत रेडीवचा दिवस चालु व्हायचा..मग भक्ती संगीत, आण मधीच जाहीरातीबी असायच्या..चंगा.. चंगा ..चंगा चंगा चहा तुमचा आमचा चंगा चहा…मानके हेअरींग सर्वीस ..दुर्वांकुर डायनींग हॉल..अशा एक ना अणेक मायंदाळ्या जाहीराती असायच्या….दिवसभर न कटाळता रेडीव अखंड बडबडत रहायचा…शेवटी ते शास्रीय संगीत रात्री ऊशारा लागायचं ,त्यात राग अमका- तमका..मग ते ह्या..ह्या…ह्या….ह्या हा…हँ ..असलं राग असायचं राग म्हंजी काय हे कधीच कळलं नाय…रेडीव वरच्या लोकांनला दिवसभर वरडुन बडबडुन राग आला की सांच्याला अशी ईवळत्यात असा आमचा तवाचा समज…
शिलं ऊतारली की चुलीत वाईच भाजायची, परत पावर येती असं कुनीतरी सांगीतल्यालं आंम्ही बर्याचदा चांगल्या निखा-याच शिलं भाजली पण बिचारी चार्जींग कवाच झाली नाहीतं…
नंतर तिसरीतुन आमचं प्रमोशन मेंढराकडं झाल्याव खीशात बसन असा सत्तर रुपायाचा बारका रेडीव तिंचार वर्ष वापरलं..
बरेच दिवस लिहावं वाटत न्हवतं आज रेडीवचा बड्डे म्हणुन लिहीलं…..।
आनंद नामदेव कोकरे
दिवे ता.पुरंदर जि.पुणे
कोणत्याही टिप्पण्या नाहीत:
टिप्पणी पोस्ट करा
धन्यवाद @ माझी लेखणी